2015 جىلعى 27 ناۋرىز, استانا قالاسى
ىشكi سۋ جولدارىمەن كەمە قاتىناسىن جۇزەگە اسىراتىن كەمەلەر ءۇشىن
كەمە قۇجاتتارىن بەرۋ جانە جۇرگىزۋ قاعيدالارىن بەكىتۋ تۋرالى
«ىشكى سۋ كولىگى تۋرالى» 2004 جىلعى 6 شىلدەدەگى قازاقستان رەسپۋبليكاسىنىڭ زاڭىنىڭ 23-بابى 1-تارماعىنا سايكەس بۇيىرامىن:
1. قوسا بەرىلىپ وتىرعان ىشكi سۋ جولدارىمەن كەمە قاتىناسىن جۇزەگە اسىراتىن كەمەلەر ءۇشىن كەمە قۇجاتتارىن بەرۋ جانە جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا.اساۆباەۆ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپتە مەملەكەتتىك تىركەلۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ۆيتسە-مينيسترىنە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك
«كەلىسىلدى»
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
_________________ ە.دوساەۆ
2015 جىلعى 10 ءساۋىر «كەلىسىلدى»
قازاقستان رەسپۋبليكاسىنىڭ
ەنەرگەتيكا ءمينيسترى
_________________ ۆ.شكولنيك
2015 جىلعى 17 ءساۋىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 27 ناۋرىزداعى №357 بۇيرىعىمەن بەكىتىلگەن
ىشكi سۋ جولدارىمەن كەمە قاتىناسىن جۇزەگە اسىراتىن كەمەلەر ءۇشىن
كەمە قۇجاتتارىن بەرۋ جانە جۇرگىزۋ قاعيدالارى
1. جالپى ەرەجەلەر
1. وسى ىشكى سۋ كولىگىندەگى كەمە قۇجاتتارىن بەرۋ جانە جۇرگىزۋ قاعيدالارى (بۇدان ءارى – قاعيدالار) «ىشكى سۋ كولىگى تۋرالى» 2004 جىلعى 6 شىلدەدەگى قازاقستان رەسپۋبليكاسى زاڭىنىڭ 23-بابى 1-تارماعىنا سايكەس ازىرلەنگەن جانە ىشكى سۋ جولدارىمەن كەمە قاتىناسىن جۇزەگە اسىراتىن كەمەلەرگە كەمە قۇجاتتارىن بەرۋ جانە جۇرگىزۋ ءتارتىبىن ايقىندايدى.
2. ىشكi سۋ جولدارىمەن كەمە قاتىناسىن جۇزەگە اسىراتىن كەمەلەر ءۇشىن
كەمە قۇجاتتارىن بەرۋ جانە جۇرگىزۋ ءتارتىبى
1 - پاراگراف. كەمەنىڭ قازاقستان رەسپۋبليكاسىنىڭ مەملەكەتتىك تۋىن كوتەرىپ ءجۇزۋ قۇقىعىن جانە كەمەگە (مەملەكەتتiك كەمە تiزiلiمiندە تىركەلۋگە جاتاتىن كەمەلەر ءۇشىن) مەنشىك قۇقىعىن راستايتىن كەمە كۋالىگىن بەرۋ
2. كەمە كۋالىگى كەمەنىڭ قازاقستان رەسپۋبليكاسىنىڭ مەملەكەتتىك تۋىن كوتەرىپ ءجۇزۋ قۇقىعىن جانە كەمەگە مەنشىك قۇقىعىن راستايدى.
كەمە كۋالىگىن كەمە يەسىنە كولىك سالاسىنداعى ۋاكىلەتتى ورگاننىڭ اۋماقتىق بولىمشەلەرى (بۇدان ءارى – اۋماقتىق بولىمشە) قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 23 قاڭتارداعى №51 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10400 بولىپ تىركەلگەن) بەكىتىلگەن كەمەنى, ونىڭ ىشىندە شاعىن كولەمدى كەمەنى جانە وعان قۇقىقتاردى مەملەكەتتىك تىركەۋ قاعيدالارىندا كوزدەلگەن تارتىپتە بەرەدى.
2 - پاراگراف. شەتەلدiك كەمەگە (جالعا الىنعان شەتەل كەمەلەرiنiڭ تiزiلiمiندە تiركەلگەن كەمەلەر ءۇشiن) قازاقستان رەسپۋبليكاسىنىڭ مەملەكەتتiك تۋىن كوتەرiپ جۇزۋگە ۋاقىتشا قۇقىق بەرۋ تۋرالى كۋالiكتى بەرۋ
3. شەتەلدىك كەمەگە قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزۋگە ۋاقىتشا قۇقىق بەرۋ تۋرالى كۋالىك كەمەنىڭ جالعا الىنعان شەتەل كەمەلەرى تىركەلىمىنە ەنگىزىلگەندىگىن راستايدى.
شەتەلدىك كەمەگە قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزۋگە ۋاقىتشا قۇقىق بەرۋ تۋرالى كۋالىكتى كەمە يەسىنە كولىك سالاسىنداعى ۋاكىلەتتى ورگاننىڭ اۋماقتىق بولىمشەلەرى قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 23 قاڭتارداعى №51 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10400 بولىپ تىركەلگەن) بەكىتىلگەن كەمەنى, ونىڭ ىشىندە شاعىن كولەمدى كەمەنى جانە وعان قۇقىقتاردى مەملەكەتتىك تىركەۋ قاعيدالارىندا كوزدەلگەن تارتىپتە بەرەدى.
3 - پاراگراف كەمەنiڭ جۇزۋگە جارامدىلىعى تۋرالى كۋالىكتى سىنىپتاۋ كۋالiگiن جانە
كەمەنiڭ مۇنايمەن, قالدىق سۋلارمەن جانە قوقىسپەن لاستانۋىن بولعىزباۋ تۋرالى كۋالiكتى بەرۋ
4. كەمەنiڭ جۇزۋگە جارامدىلىعى تۋرالى كۋالىكتى سىنىپتاۋ كۋالiگiن جانە كەمەنىڭ مۇنايمەن, قالدىق سۋلارمەن جانە قوقىسپەن لاستانۋىن بولعىزباۋ تۋرالى كۋالىكتى قازاقستان |رەسپۋبليكاسى ينۆەستيتسيالار جانە دامۋ مينيسترلىگىنىڭ «قازاقستان كەمە قاتىناسىنىڭ تiركەلiمى» رمقك ىشكى سۋلاردا جانە ارالاس «وزەن-تەڭىز» سۋلارىندا جۇزەتىن كەمەلەرگە كۋالاندىرۋ كەزىندە بەرەدى.
5. كەمەنiڭ جۇزۋگە جارامدىلىعى تۋرالى كۋالىك جانە سىنىپتاۋ كۋالiگi وزىنە مىنالاردى:
1) كەمەنىڭ نەگىزگى تەحنيكالىق دەرەكتەرىنىڭ جانە ونىڭ ەلەمەنتتەرى تۋرالى مالىمەتتەردى;
2) كۋالىك بەرىلگەننەن كەيىن كەمەنىڭ نەگىزگى تەحنيكالىق دەرەكتەرىنىڭ جانە ونىڭ ەلەمەنتتەرىنىڭ وزگەرىستەرى تۋرالى مالىمەتتەردى;
3) كەمەنى ەسەپكە قويۋ تۋرالى جانە ەسەپتەن شىعارۋ تۋرالى مالىمەتتەردى قامتيدى.
6. كەمەنىڭ مۇنايمەن, قالدىق سۋلارمەن جانە قوقىسپەن لاستانۋىن بولعىزباۋ تۋرالى كۋالىكتە كەمەدە بار ەكولوگيالىق قاۋىپسىزدىك جابدىقتارى تۋرالى مالىمەتتەر كورسەتىلەدى.
7. بارلىق كۋالىكتەر جىل سايىن راستالىپ, 5 جىل مەرزىمگە بەرىلەدى.
4 - پاراگراف. وزدiگiنەن جۇزەتiن كەمەلەر ءۇشiن كەمە جۋرنالىن (ۆاحتالىق جۋرنالدى) جۇرگىزۋ
8. كەمە جۋرنالى (ۆاحتالىق جۋرنال) قازاقستان رەسپۋبليكاسىنىڭ مەملەكەتتىك كەمە تىزىلىمىندە نەمەسە جالعا الىنعان شەتەلدىك كەمەلەر تىزىلىمىندە تىركەلگەن وزدىگىنەن جۇرەتىن ءاربىر كەمەدە جۇرگىزىلەدى.
9. كەمە جۋرنالى (ۆاحتالىق جۋرنال) كەمەنىڭ توقتاۋسىز پايدالانۋ كەزەڭى كورسەتىلگەن كەمە قۇجاتى بولىپ تابىلادى.
10. كەمە جۋرنالى (ۆاحتالىق جۋرنال) كەمەنىڭ قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزۋگە قۇقىق العان ساتىنەن باستاپ ونى كوتەرىپ ءجۇزۋ قۇقىعى ساقتالعان بارلىق كەزەڭى ىشىندە جۇرگىزىلەدى.
11. كەمەنى تۇراققا جاۋاپتى ساقتاۋعا نەمەسە جوندەۋگە تاپسىرعان كەزدە, كەمە جۋرنالى (ۆاحتالىق جۋرنال) كەمەدە قالادى, بىراق ونى تولتىرۋ كەمەدە ەكيپاج بولمايتىن ۋاقىتقا توقتاتىلادى.
12. كەمە جۋرنالىنداعى (ۆاحتالىق جۋرنالداعى) بارلىق بەتتەر نومىرلەنۋى, تىگىلۋى جانە كەمە يەسىنىڭ مورىمەن بەكىتىلۋى ءتيىس.
13. كەمە جۋرنالىن (ۆاحتالىق جۋرنالىن) ۆاحتا باستىعى (كاپيتاننىڭ ۆاحتاداعى كومەكشىسى) جۇرگىزەدى.
14. ءماتىندى ەنگىزگەن ۆاحتا باستىعى ونى وزگەرتەدى جانە تولىقتىرادى, ال كاپيتان تەك تولىقتىرادى.
15. كەمە جۋرنالىنداعى (ۆاحتالىق جۋرنالىنداعى) جازبالار مەملەكەتتىك نەمەسە ورىس تىلىندە انىق جانە ۇقىپتى تۇردە كوك نەمەسە قارا ءتۇستى پاستامەن (نەمەسە سيامەن) جازىلادى.
16. كەمە جۋرنالى (ۆاحتالىق جۋرنال) وقيعا بولعان ساتتە نەمەسە ودان كەيىن ۆاحتا پروتسەسىندە تولتىرىلادى. جۇردەك كەمەلەردىڭ ىشكى سۋ جولدارىندا ءجۇزۋى كەزىندە كەمە جۋرنالى (ۆاحتالىق جۋرنالى) ايالدامادا تولتىرىلادى.
17. كەمە جۋرنالىنىڭ (ۆاحتالىق جۋرنالىنىڭ) ۋاقىتى كەمە ساعاتى بويىنشا 0-دەن 24 ساعاتقا دەيىن 1 مينۋت ارالىقپەن ءتورت ءماندى سانمەن جازىلادى. ساعاتتار مينۋتتاردان نۇكتەمەن بولىنەدى.
18. ءار تاۋلىكتىڭ جازباسى كەمە جۋرنالىنىڭ (ۆاحتالىق جۋرنالىنىڭ) جاڭا بەتىنە جازىلادى. تاۋلىك سوڭىنا دەيىن تولتىرىلماعان كەستەلەر, باعاندار جانە جولدار «Z» بەلگىسىمەن سىزىلادى.
19. ناۆيگاتسيالىق سيپاتتاعى جازبالاردىڭ كولەمىن, ناۆيگاتسيالىق كارتاداعى توسەممەن جانە تىركەۋدىڭ تەحنيكالىق قۇرالدارى اقپاراتىمەن بىرگە كەمە باعىتىن قالپىنا كەلتىرۋگە بولاتىنىن ەسكەرە وتىرىپ كاپيتان بەلگىلەيدى. بۇل رەتتە, كارتاداعى توسەم كارتانى قايتالاپ پايدالانعانعا دەيىن ساقتالادى, ال وزدىگىنەن جازۋ تاسپالارى – كۋرسوگرامما, رەۆەرسوگرامما, ەحوگرامما – ەكى جىل بويى ساقتالادى.
20. كەمە ورنى ۆاحتالىق ءجۇرۋ كەزەگى سوڭىندا, سونداي-اق كاپيتاننىڭ نەمەسە ۆاحتا باستىعىنىڭ پىكىرى بويىنشا قاجەتتى بارلىق جاعدايلاردا كەمە جۋرنالىندا تىركەلەدى.
21. ءجۇزۋدىڭ ەرەكشە شارتتارى بار اۋدانعا جاقىنداعان كەزدە قالىپتى ءىس-شارالاردىڭ ورىندالۋى تىركەلمەيدى.
22. ۆاحتا باستىعى ءوز جازبالارىنا لاۋازىمىن كورسەتە وتىرىپ قول قويادى. قول قويعاننان كەيىن ۆاحتا باستىعى ءوزىنىڭ تەگىن كورسەتەدى.
23. كاپيتان كەمە جۋرنالىنداعى جازبالاردى باقىلايدى جانە ءار بەتتىڭ سوڭىنا قولىن قويىپ كۋالاندىرادى. كەمەگە قاتەر تونگەن جاعدايدا كەمە كاپيتانى كەمە جۋرنالىن ساقتاپ قالۋعا بارلىق قاجەتتى شارالاردى قولدانادى.
24. تولتىرىلعان كەمە جۋرنالدارى قىزمەتتىك قۇجاتتامامەن بىرگە كەمە يەسى مۇراعاتقا وتكىزگەن سوڭ ەكى جىل ساقتالادى.
25. كەمە كاپيتانى جانە (نەمەسە) ۆاحتا باستىعى كەمە جۋرنالىنا (ۆاحتالىق جۋرنالعا) كەمەگە قاتىستى جانە كەمەنىڭ, كەمە يەسىنىڭ, جولاۋشىلاردىڭ مۇددەلەرىن جانە جۇكتى قورعاۋ ءۇشىن ماڭىزى بار كەز كەلگەن قوسىمشا جازبانى ەنگىزە الادى. وزگە تۇلعالاردىڭ تاراپىنان كەمە جۋرنالىنداعى (ۆاحتالىق جۋرنالىنداعى) وسى تۋرالى كەز كەلگەن جازبالارى مەن تالاپتارى جوققا شىعارىلادى.
26. كۇنى (كۇنى, ايى, جىلى) كەمە جۋرنالى (ۆاحتالىق جۋرنالى) اينالىمىنىڭ ءاربىر سول جاق بەتىندە جازىلادى. كۇنىنەن وڭعا قاراي اپتا كۇنى, سونداي-اق كەمە ۋاقىتىن ساناۋ جۇيەسى كورسەتىلەدى (جۋرنالعا ەڭ العاش جازبا جانە وزگەرتۋ جازىلعاندا).
27. ەكىنشى جولدا كەمە تۇراعىنىڭ ورنى (رەيد, پورت, جاعالاۋ اتاۋى), ال ءجۇزىپ جۇرگەن كەمەدە – ءجۇزۋ اۋدانى (وزەن, كانال, سۋ قويماسىنىڭ, كول, تەڭىز, ولاردىڭ شىعاناعىنىڭ نەمەسە بولىگىنىڭ اتاۋى) كورسەتىلەدى. بۇدان ءارى جولدا سول بويىنشا ءجۇزۋ جۇرگىزىلەتىن نەمەسە كەمە تۇراعىنىڭ ورنى كورسەتىلگەن كارتا ءنومىرى كورسەتىلۋى مۇمكىن.
28. كەمە جۋرنالىندا (ۆاحتالىق جۋرنالىندا):
1) كەمەنىڭ تاۋلىك بويى جۇمىسى;
2) گيدرومەتەورولوگيالىق دەرەكتەر;
3) ءجۇزىپ وتكەن قاشىقتىق;
4) ناۆيگاتسيالىق احۋالدىڭ جاي-كۇيى,
5) وقيعالار مەن ءىس-قيمىلدار;
6) باس قوزعالتقىشتاردىڭ جۇمىسى;
7) باس قوزعالتقىشتاردىڭ جۇمىس ءتارتىبى;
8) كومەكشى قوزعالتقىشتاردىڭ جۇمىسى تۋرالى مالىمەتتەر قامتىلۋى ءتيىس.
29. كەمەنىڭ تاۋلىك بويى جۇمىسى تۋرالى مالىمەتتەردى تولتىرۋ كەزىندە:
1) رەيس ءنومىرى (ول وزگەرگەن كەزدە جازىلىپ وتىرادى);
2) ءىس جۇزىندەگى دايەكتىلىكپەن كەمە ايالدامالارىنىڭ پۋنكتتەرى;
3) كەمەنىڭ وسى ايالداما پۋنكتىنە ءجۇزىپ كەلگەن ۋاقىتى;
4) وسى پۋنكتتەن ءجۇزىپ كەتكەن ۋاقىتى;
5) جولاۋشىلار سانى (ەكيپاجدى ەسەپكە الۋ نەمەسە جاعالاۋ دەرەكتەرى بويىنشا), وسى ايالداما پۋنكتىنەن جونەلتiلگەن ساتتەگi كەمەدەگi جۇكتiڭ سانى مەن اتاۋى;
6) وسى جونەلتۋ پۋنكتىنەن جونەلتىلگەن ساتتەگi كەمەنiڭ (قۇرامنىڭ) ەڭ ۇلكەن شوگۋى كورسەتىلەدى.
30. گيدرومەتەورولوگيالىق دەرەكتەر تۋرالى مالىمەتتەردى تولتىرۋ كەزىندە مىنالار كورسەتىلەدى:
1) اۋا رايى مەن تەڭىز (سۋ توعانى) جاي-كۇيى تۋرالى دەرەكتەر;
2) جەلدىڭ ناقتى باعىتى (100 ارالىقپەن گرادۋسپەن) جانە ونىڭ سەكۋندىنا مەتر جىلدامدىعى;
3) تولقىندانۋ باعىتى (تولقىندانۋ كەلەتiن باعىت) 100 ارالىقپەن جانە بالمەن كورسەتiلگەن تەڭiز بەتiنiڭ (كول, سۋ قويماسى) جاي-كۇيى. وزەندە جانە پورت سۋلارىندا تيiسiنشە «وزەن», «پورت» دەپ جازىلادى;
4) ەگەر سۋ بەتiندە مۇز بولسا, وندا «م» بەلگiسi جانە مۇزدىڭ تىعىزدىعى بالمەن جازىلادى;
5) اۋا رايىنىڭ جاعدايى شارتتى بەلگiمەن ا-اشىق, ب-بۇلتتى, ءتۇ-ءتۇتiن, تك-تۇنەك, ت-تۇمان, ج-جاڭبىر, ق-قار, بۇ-بۇرشاق, ن-نايزاعاي جانە كورiنۋ ۇزاقتىعى كيلومەترلەرمەن جازىلادى;
6) ميلليمەترمەن اتموسفەرالىق قىسىم جانە سىرتقى اۋانىڭ تەمپەراتۋراسى.
31. وتكەن قاشىقتىقتار تۋرالى مالىمەتتەردى تولتىرۋ كەزىندە كەمەنىڭ تۇتاستاي تاۋلىك iشiندە وتكەن اراقاشىقتىعى (كيلومەترمەن) كورسەتىلەدى.
32. ناۆيگاتسيالىق احۋالدىڭ جاي-كۇيى, وقيعالار مەن ءىس-قيمىلدار تۋرالى مالىمەتتەردى تولتىرۋ كەزىندە ناۆيگاتسيالىق احۋالدىڭ جالپى تاۋلىك ىشىندەگى جاي-كۇيى تۋرالى دەرەكتەر جازىلادى.
33. مۇزداردا جۇزگەن كەزدە مۇزعا كىرۋى جانە ودان شىعۋى, مۇزدىڭ سيپاتى مەن تىعىزدىعى, الىنعان وكىمدەر مەن مەتەوجاعداي جازىلادى.
34. كەمەدە كولىك وقيعاسى بولعان جاعدايدا:
1) كولىك وقيعاسىنىڭ ورنى;
2) كولىك وقيعاسىنىڭ ءمان-جايى جانە سيپاتى;
3) ونىڭ سالدارى;
4) كەمە مەن مەحانيزمدەردىڭ كولىك وقيعاسىنان كەيىنگى جاعدايى;
5) ەكيپاجدىڭ كولىك وقيعاسىن بولدىرماۋ جانە ونىڭ سالدارىن جويۋ جونىندەگى ءىس-ارەكەتى تولىق جازىلادى.
35. باسقا كەمەمەن سوقتىعىسقان كەزدە:
1) جاقىنداسۋ جاعدايى, بۇرىلىپ كەتۋ ءۇشىن الدىن الا جاساعان مانەۆرلەرى;
2) سوقتىعىسقان كەمەنىڭ اتاۋى جانە تىركەلگەن پۋنكتى;
3) شىققان جانە باراتىن پۋنكتى;
4) زاقىمدانۋ سيپاتى جازىلادى.
كەمە مۇزدان زاقىمدانعان كەزدە – مۇز جاعدايىنىڭ سيپاتى قوسىمشا جازىلادى.
دابىل (جاتتىعۋ) كەزىندە ونىڭ ءتۇرى, جاريالانۋ ۋاقىتى مەن اياقتالۋى جازىلادى.
36. باس قوزعالتقىشتاردىڭ جۇمىسى تۋرالى مالىمەتتەردى تولتىرۋ كەزىندە باس قوزعالتقىشتار ىسكە قوسىلعان جانە توقتاتىلعان ساتتەر, سونداي-اق ولاردىڭ جۇمىسىنىڭ ۇزاقتىعى تىركەلەدى. قوزعالتقىشتاردىڭ قىسقا ۋاقىتقا توقتاتىلۋى تىركەلمەيدى.
37. باس قوزعالتقىشتاردىڭ جۇمىس ءتارتىبى تۋرالى مالىمەتتەردى تولتىرۋ كەزىندە:
1) كەمەنىڭ باس قوزعالتقىشتارىنىڭ باقىلاۋ اسپاپتارىنىڭ كورسەتۋلەرى, ءبۇتىن ساعاتقا ەسەلەنگەن جازبالار ءتورت ساعاتتان سيرەتپەي ورىندالادى;
2) قوزعالتقىشتاردىڭ اينالۋ جيiلiگi (اين./مين);
3) مايدىڭ سۇزگىگە دەيiنگi قىسىمى (اسپاپتاردى بولiكتەۋ بiرلiكتەرىندە);
4) مايدىڭ سۇزگىدەن كەيiنگi قىسىمى (اسپاپتاردى بولiكتەۋ بiرلiكتەرىندە);
5) مايدىڭ قوزعالتقىشتان كەيىنگى تەمپەراتۋراسى (وس-تا);
6) سۋدىڭ شىعۋداعى تەمپەراتۋراسى (وس-تا);
7) شىعاتىن گازداردىڭ تەمپەراتۋراسى (جالپى) (وس-تا) جازىلادى.
38. كومەكشى قوزعالتقىشتاردىڭ جۇمىسى تۋرالى مالىمەتتەردى تولتىرۋ كەزىندە كومەكشى قوزعالتقىشتار ىسكە قوسىلعان جانە توقتاتىلعان جاعدايلار, سونداي-اق ولاردىڭ جۇمىسىنىڭ ۇزاقتىعى تىركەلەدى.
5 - پاراگراف. كەمە ءرولىن (وزدiگiنەن جۇزەتiن كەمەلەر ءۇشiن) جۇرگىزۋ
39. كەمە ءرولى (وزدiگiنەن جۇزەتiن كەمەلەر ءۇشiن) – كەمە كاپيتانى جاسايتىن كەمە ەكيپاجى مۇشەلەرiنiڭ تiزiمi.
40. كەمە ءرولى مىناداي دەرەكتەردەن تۇراتىن مالىمەتتەردى قامتيدى:
1) كەمە تۋرالى (اتاۋى, تىركەلۋ ورنى جانە تىركەلۋ ءنومىرى, ءتۇرى جانە ماقساتى, كەمە يەسى, كەمەنىڭ شاقىرۋ سيگنالى);
2) ەكيپاج مۇشەلەرى تۋرالى (تەگى, اتى, اكەسىنىڭ اتى, تۋعان كۇنى مەن جەرى, ازاماتتىعى, كەمەدەگى لاۋازىمى, اتاعى جانە ديپلوم ءنومىرى نەمەسە تۇلعانىڭ ازاماتتىعىن كۋالاندىراتىن وزگە دە قۇجاتتىڭ سەرياسى جانە ءنومىرى).
41. كەمە رولىنە كەمە ەكيپاجىنىڭ قۇرامىنا كىرەتىن تۇلعالار, سونداي-اق:
1) ءجۇزۋ پراكتيكاسىنان ءوتۋ ءۇشىن وسى كەمەگە جىبەرىلگەن وقۋ ورىندارىنىڭ كۋرسانتتارى (وقۋشىلار);
2) كەمەدە جۇمىس ىستەۋ ءۇشىن ىسساپارعا جىبەرىلگەن كەمە يەسىنىڭ وكىلدەرى ەنگىزىلەدى.
كەمە وزدىگىنەن جۇزەتىن كەمەلەر ءۇشىن رولىندە كورسەتىلگەن, حالىقارالىق تاسىمالدى جۇزەگە اسىرۋشى كەمەگە ىسساپارعا جىبەرىلگەن وقۋ ورىندارىنىڭ كۋرسانتتارى وقيتىندار مەن تۇلعالاردىڭ كەمەدەگى لاۋازىمدارىن كەمە ەكيپاجىن جيناقتاۋعا قۇقىعى بار كەمە يەسى ايقىندايدى.
42. كەمە وزدىگىنەن جۇزەتىن كەمەلەر ءۇشىن ءرولىن كەمە كاپيتانى كەمە پورتقا كىرگەندە نەمەسە كەمە پورتتان شىققاندا شەكارالىق باقىلاۋ ورگاندارىنا ۇسىنادى.
43. كەمە وزدىگىنەن جۇزەتىن كەمەلەر ءۇشىن ەكيپاجىندا وزگەرىستەر بولماعان جاعدايدا, كەستە بويىنشا جۇمىس ىستەپ تۇرعان كەمە ءبىر پورتقا ءبىر اي ىشىندە كەمىندە ءبىر-اق رەت كىرسە, پورتقا ءاربىر كىرگەن سايىن كەمە وزدىگىنەن جۇزەتىن كەمەلەر ءۇشىن ءرولىن ۇسىنۋ تالاپ ەتىلمەيدى.
44. كەمە وزدىگىنەن جۇزەتىن كەمەلەر ءۇشىن پورتقا كەلگەندە ۇسىنىلعان كەمە ءرولىن, وعان وزگەرىستەر ەنگىزىلگەن نەمەسە وزگەرىستەردىڭ جوقتىعى كورسەتىلگەن جاعدايدا, كەمەنىڭ پورتتان شىعۋى كەزىندە ۇسىنۋعا رۇقسات ەتىلەدى.
45. كەمە وزدىگىنەن جۇزەتىن كەمەلەر ءۇشىن ءرولى كەمەدە:
1) كەمە قازاقستان پورتىنا كەلگەندە نەمەسە قازاقستان پورتىنان كەتكەندە – مەملەكەتتىك جانە ورىس تىلدەرىندە;
2) كەمە شەتەل پورتىنا كەلگەندە نەمەسە شەتەل پورتىنان كەتكەندە – مەملەكەتتىك جانە ورىس تىلدەرىندە تولتىرىلادى.
46. كەمە وزدىگىنەن جۇزەتىن كەمەلەر ءۇشىن رولىندەگى جازبالار مەملەكەتتىك جانە ورىس تىلدەرىندە كوك نەمەسە قارا پاستامەن (سيامەن) انىق جانە ۇقىپتى جازىلادى. قارىنداشپەن جازۋعا رۇقسات ەتىلمەيدى.
47. كەمە وزدىگىنەن جۇزەتىن كەمەلەر ءۇشىن ءرولى مىناداي تۇردە تولتىرىلاتىن مالىمەتتەردى قامتيدى:
1) «تەگى, اتى جانە اكەسىنىڭ اتى», «تۋعان كۇنى مەن جەرى», «ازاماتتىعى» – تەڭىزشىنىڭ جەكە كۋالىگىندە نەمەسە جەكە باسىن كۋالاندىراتىن وزگە دە قۇجاتتا كەلتىرىلگەن دەرەكتەر بويىنشا;
2) «لاۋازىمى» – حالىقارالىق تاسىمالداردى جۇزەگە اسىراتىن كەمەلەردە – كەمەدەگى قىزمەتتىك جاعدايى تۋرالى تەڭىزشىنىڭ جەكە كۋالىگىندەگى جازباعا سايكەس.
باسقا كەمەلەردە – كەمە يەسىنىڭ تۇلعانى كەمە ەكيپاجىنىڭ مۇشەسى ەتىپ تاعايىنداۋ تۋرالى بۇيرىعىنا (وكىمىنە) سايكەس;
3) «اتاعى جانە ديپلوم ءنومىرى» – بىلىكتىلىگىن راستايتىن ديپلومدا كورسەتىلگەن دەرەكتەر بويىنشا;
4) «تەڭىزشىنىڭ جەكە كۋالىگىنىڭ نەمەسە جەكە باسىن كۋالاندىراتىن وزگە دە قۇجاتتىڭ سەرياسى مەن ءنومىرى» – تەڭىزشىنىڭ جەكە كۋالىگىندە نەمەسە جەكە باسىن كۋالاندىراتىن ءتيىستى قۇجاتتا كورسەتىلگەن دەرەكتەر بويىنشا.
48. كەمە ەكيپاجىنىڭ قۇرامىندا وزگەرىس بولماعاندا, «وزگەرىستەر جوق» دەگەن جازۋ جازىلادى, ول كۇنى كورسەتىلە وتىرىپ, كەمە كاپيتانىنىڭ قولىمەن جانە كەمە مورىمەن كۋالاندىرىلادى.
كەمە ەكيپاجىنىڭ قۇرامى وزگەرگەن جاعدايدا كەمە وزدىگىنەن جۇزەتىن كەمەلەر ءۇشىن رولىنە وزگەرىستەر مىناداي تارتىپتە ەنگىزىلەدى:
1) كەمە ەكيپاجىنىڭ شىعىپ كەتكەن مۇشەسىنىڭ تەگى جازىلعان جول سىزىلادى;
2) كەمە ەكيپاجى جاڭا مۇشەسىنىڭ تەگى جازىلعان جول كەمە ەكيپاجى شىعىپ قالعان مۇشەسىنىڭ نومىرىمەن بەلگىلەنەدى.
ەكيپاج مۇشەسى اۋىستىرۋسىز شىققان جاعدايدا, ەكيپاج مۇشەسى (ت.ا.ءا.ا) كەمەدەن اۋىستىرۋسىز شىعارىلعانى جايلى جازىلىپ, شىعىپ قالعان ەكيپاج مۇشەسىنىڭ تەگى جازىلعان جول سىزىلىپ تاستالادى.
كەمە وزدىگىنەن جۇزەتىن كەمەلەر ءۇشىن رولىنە ەنگىزىلگەن وزگەرىستەرگە كەمە كاپيتانى كۇنىن كورسەتىپ قول قويادى جانە كەمە مورىمەن كۋالاندىرادى.
قازاقستان پورتىنان شەتەلگە ءجۇزۋ كەمەسى شىعار الدىندا كەمە وزدىگىنەن جۇزەتىن كەمەلەر ءۇشىن رولىنە وزگەرىستەر ەنگىزىلگەن جاعدايدا, وسى وزگەرىستەردى كەمە يەسى نەمەسە پورت كاپيتانى كۋالاندىرادى.
6 - پاراگراف. راديوجۋرنالدى جۇرگىزۋ ءتارتىبى (ەگەر كەمەدە كەمە راديوستانتسياسى بار بولسا)
49. راديوجۋرنال قت دياپازونىنداعى راديوبايلانىسقا قاتىستى مالىمەتتەر تىركەلەتىن قۇجات بولىپ تابىلادى.
50. راديوجۋرنالدىڭ بارلىق پاراقتارى نومىرلەنەدى, تىگىلەدى جانە كەمە يەسىنىڭ قولى مەن ءمورى قويىلادى.
51. كەمەدە راديوجۋرنالدىڭ تەك ءبىر داناسى عانا جۇرگىزىلەدى.
52. راديوجۋرنالدى جاڭاسىنا اۋىستىرۋ ونى تولىق پايدالانعان كەزدە عانا جۇرگىزىلەدى. راديوجۋرنال كەمە بورتىندا وعان سوڭعى جازبا ەنگىزىلگەننەن كەيىن ءبىر جىل ىشىندە ساقتالادى جانە كەمە يەسىنىڭ مۇراعاتىنا كەيىننەن وتكىزىلەدى.
53. راديوجۋرنال ۆاحتا باستىعىنىڭ رۋبكاسىندا ساقتالادى.
54. راديوجۋرنالدى جۇرگىزۋ كەمەنىڭ راديووپەراتورى, ال شتات كەستەسى بويىنشا كەمەنىڭ راديووپەراتورى جوق بولسا, ۆاحتا باستىعى جۇزەگە اسىرادى. راديوجۋرنالداعى جازبالار مەملەكەتتىك جانە ورىس تىلدەرىندە كوك نەمەسە قارا پاستامەن (نەمەسە سيامەن) انىق جانە ۇقىپتى جازىلادى.
55. كەمە كاپيتانى وتكەن تاۋلىكتەردە راديوجۋرنالدىڭ جۇرگىزىلۋىن تەكسەرەدى جانە راديوجۋرنالدىڭ مازمۇنىن كەلىپ تۇسكەن جانە بەرىلگەن حابارلاردىڭ سوڭىندا قول قويۋ ارقىلى كۋالاندىرادى.
7 - پاراگراف. كەمە ستانتسياسىنىڭ رۇقساتىن بەرۋ (ەگەر كەمەدە كەمە راديوستانتسياسى بار بولسا)
56. كەمە ستانتسياسىنىڭ رۇقساتى (ەگەر كەمەدە كەمە راديوستانتسياسى بار بولسا) راديوجيىلىكتى سپەكتردى قولدانۋدى راستايدى.
كەمە ستانتسياسىنىڭ رۇقساتى كەمە يەسىنە بايلانىس سالاسىنداعى ۋاكىلەتتى ورگانمەن قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 21 قاڭتارداعى №34 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10730 تىركەلگەن) جيiلiك بەلدەۋلەرiن, راديوجيiلiكتەردi (راديوجيiلiك ارنالاردى) يەلىككە بەرۋ, راديوەلەكتروندىق قۇرالدار مەن جوعارى جيiلiكتi قۇرىلعىلاردى پايدالانۋ, سونداي-اق ازاماتتىق ماقساتتاعى راديوەلەكتروندىق قۇرالداردىڭ ەلەكتروماگنيتتiك ۇيلەسiمدiلiگiن ەسەپتەۋ قاعيدالارىندا كوزدەلگەن تارتىپتە بەرىلەدى.
8 - پاراگراف. ماشينا جۋرنالىن جۇرگىزۋ (مەحانيكالىق قوزعاعىشى بار كەمەلەر ءۇشiن)
57. ماشينا جۋرنالى كومەكشى جانە كۇش بەرەتىن قوندىرعىلاردىڭ جۇمىسىن, ءجۇرۋ جىلدامدىعىن, جانارماي شىعىسىن جانە بار ەكەندىگىن كورسەتەدى.
58. ماشينا جۋرنالى, ماشينالىق ءۇي-جايدا ۆاحتاسىز پايدالانىلاتىن كەمەلەردى قوسپاعاندا, مەحانيكالىق قوزعالتقىشى بار كەمەلەردە جۇرگىزىلەدى.
59. ماشينا جۋرنالىنىڭ بارلىق پاراقتارى نومىرلەنەدى, تىگىلەدى جانە كەمە يەسىنىڭ قولى مەن ءمورى قويىلادى. ماشينا جۋرنالىن كەمە يەسى كەمە كاپيتانىنا قولحاتپەن بەرەدى.
60. مەحانيكتىڭ ۆاحتاداعى كومەكشىسى بارلىق ۆاحتانىڭ باستىعى بولىپ تابىلادى جانە ماشينا جۋرنالىندا جازبا جۇرگىزەدى.
مەحانيكتەن جانە ونىڭ كومەكشىلەرىنەن باسقا, كەمە ەكيپاجىنىڭ مۇشەلەرى مەن كەمەگە وتىرعان ادامدارعا, ولاردىڭ لاۋازىمدىق دارەجەسىنە جانە كەمەگە كەلۋ ماقساتىنا قاراماستان, ماشينا جۋرنالىنا قانداي دا ءبىر جازبالار نەمەسە تۇزەتۋلەر ەنگىزۋگە رۇقسات ەتىلمەيدى.
61. ۆاحتا ۋاقىتىندا ۆاحتا مەحانيگى مەحانيزمدەردى پايدالانۋ مەن جۇمىسى تۋرالى بارلىق مالىمەتتەردى جازادى, ال جۇمىس اراسىنداعى ۇزىلىستەردە جانە ۆاحتا اياقتالعاننان كەيىن جۋرنالعا ۆاحتا تۋرالى قاجەتتى مالىمەتتەردى ەنگىزەدى جانە وندا لاۋازىمىن جانە تەگىن كورسەتە وتىرىپ, ءوز قولىن قويادى.
62. ماشينا جۋرنالىنداعى جازبالار مەملەكەتتىك نەمەسە ورىس تىلىندە كوك نەمەسە قارا پاستامەن (نەمەسە سيامەن) انىق جانە ۇقىپتى جازىلادى.
63. جازعاندى وشىرۋگە, جولداردىڭ اراسىنا جانە ودان تىس قىستىرىپ جازۋعا, سونداي-اق كەيىننەن جازۋ ءۇشىن ورىن قالدىرۋعا رۇقسات ەتىلمەيدى.
64. ماشينا جۋرنالىنداعى ءماتىندى تەك نەگىزگى ءماتىندى جازعان ادام جانە كەمەنىڭ كاپيتانى-مەحانيگى تۇزەتە جانە (نەمەسە) تولىقتىرا الادى. قاتە جازىلعان ءماتىن جەڭىل وقىلاتىنداي ەتىپ جىڭىشكە سىزىقپەن سىزىلادى جانە جاقشاعا الىنادى. سوڭعى جاقشادان كەيىن كاپيتان-مەحانيك تۇزەتۋلەردى جانە (نەمەسە) تولىقتىرۋلاردى قولىمەن جانە (نەمەسە) «تۇزەتىلگەنى راس» دەگەن ماتىنمەن كۋالاندىرادى.
65. ماشينا جۋرنالىنداعى جازبالاردى كەمە مەحانيگى تەكسەرەدى, ءاربىر وڭ بەتى ونىڭ قولىمەن كۋالاندىرىلادى. جۋرنالدى جۇرگىزۋ بويىنشا بارلىق ەسكەرتۋلەردى مەحانيك ءوزىنىڭ كومەكشىلەرىنە اۋىزشا حابارلايدى. ۆاحتا مەحانيگى جازبالاردى پاراقتىڭ سوڭىندا ءوز قولىمەن كۋالاندىرادى.
66. تولتىرىلعان ماشينا جۋرنالى كەمەدە 2 جىل ساقتالادى, ودان كەيىن كەمە يەسىنىڭ مۇراعاتىنا وتكىزىلەدى.
67. ماشينا جۋرنالىندا قالىپتى پارامەترلەردەن اۋىتقۋ كەزىندەگى مالىمەتتەر تىركەلەدى.
68. مالىمەتتەر ەكىۇداي تۇسىنىك بەرمەيتىن ماعىنادا قىسقا ءارى تۇسىنىكتى ەتىپ جازىلادى.
69. ءاربىر ۆاحتانىڭ جازباسى جاڭا جولدان باستالادى جانە ولاردى بەكىتەتىن قول قويۋدى قوسا العاندا, قانداي دا ءبىر جول قالدىرۋسىز جۇرگىزىلەدى.
70. كەمە ۋاقىتى ءتۇن ورتاسىنان – 0 ساعاتتان 24 ساعاتقا دەيىن سانالادى. ۋاقىت مەزەتى ءتورت تاڭبالى سانمەن جازىلادى جانە ساعاتتار مينۋتتان نۇكتەمەن اجىراتىلادى. وڭ جاق بەتىندەگى كەز كەلگەن جازبا 1 مينۋتقا دەيىنگى دالدىكپەن كەمە ساعاتى بويىنشا ۋاقىت مەزەتىنەن باستالادى.
71. بەتتىڭ تاقىرىبىندا ءبىرىنشى جولعا اپتا كۇنىنىڭ اتاۋى, كۇنى, ايى جانە جىلى, ەكىنشى جولعا – رەيدتىڭ, ايلاقتىڭ نەمەسە ءجۇزۋ اۋدانىنىڭ اتاۋى جازىلادى.
72. تاۋلىكتىڭ باسىندا 00.00 مەزەتكە كەمەنىڭ ورنى, جاي-كۇيى جانە ءىس-ارەكەتى تۋرالى مالىمەتتەر جازىلادى.
73. ۆاحتانىڭ باسىندا ۆاحتاعا شىققان جانە كەمەدە جۇمىس ىستەيتىن ادامنىڭ اتى-ءجونى, ال قاجەت كەزدە – كەمەنىڭ توقتاۋى جانە ءىس-ارەكەتى تۋرالى قوسىمشا مالىمەتتەر جازىلادى.
74. ۆاحتانىڭ سوڭىندا كەمەنىڭ ورنى, جاعدايى, جاي-كۇيى جانە ءىس-ارەكەتى تۋرالى مالىمەتتەر تولىق جازىلادى. بارلىق جاعدايلاردا دا جازبا «ەرەكشە بەلگىلەر» دەگەن تاقىرىپشامەن اياقتالادى, ودان كەيىن باس قوزعالتقىشتار مەن مەحانيزمدەردىڭ ەرەكشە نازار اۋدارۋ قاجەت جۇمىسى جونىندە ەسكەرتۋلەر نەمەسە ەرەكشە ەسكەرتۋلەر جوق بولسا «ەسكەرتۋسىز» ءسوزى جازىلادى.
75. بارلىق ەكيپاجدىڭ نەمەسە ونىڭ ەداۋىر بولىگىنىڭ قاتىسۋىمەن قاۋىرت جۇمىس كەزىندە ونىڭ تاعايىندالۋى مەن اياقتالۋى تۋرالى مالىمەتتەر جازىلادى.
9 - پاراگراف. كەمەنى قاراپ شىعۋدىڭ بىرىڭعاي كىتابىن جۇرگىزۋ
76. كەمەنى قاراپ شىعۋدىڭ بىرىڭعاي كىتاپتى اۋماقتىق بولىمشەلەرى كەمەنى تەكسەرۋلەرىنىڭ بارلىعىن تىركەيتىن قۇجات بولىپ تابىلادى.
77. كەمەنى قاراپ شىعۋدىڭ بىرىڭعاي كىتابىن كەمە يەسى كەمە كاپيتانىنا قول قويعىزىپ بەرەدى.
78. كەمەنى قاراپ شىعۋدىڭ بىرىڭعاي كىتابىنىڭ بارلىق پاراقتارى نومىرلەنەدى, تىگىلەدى جانە كەمە يەسىنىڭ قولى مەن ءمورى قويىلادى.
79. كەمەنى قاراپ شىعۋدىڭ بىرىڭعاي كىتابىن جاڭاسىنا اۋىستىرۋعا تەك اۋماقتىق بولىمشە ونى تولىق پايدالانعاننان سوڭ عانا رۇقسات ەتىلەدى, بۇل رەتتە پايدالانىلعان كەمەنى قاراپ شىعۋدىڭ بىرىڭعاي كىتابى كەمە يەسىندە قالادى. ەگەر اۋماقتىق بولىمشەنىڭ پايدالانىلعان كىتاپتاعى تالاپتارى ورىندالماعان بولسا, وندا ولار جاڭا كىتاپقا اۋىستىرىلىپ جازىلادى.
80. كەمەنى قاراپ شىعۋدىڭ بىرىڭعاي كىتابى ۆاحتا باستىعىنىڭ رۋبكاسىندا ساقتالادى جانە اۋماقتىق بولىمشەنىڭ وكىلدەرىنىڭ العاشقى تالابى بويىنشا بەرىلەدى.
81. كەمەنىڭ كاپيتانى كەمەنى قاراپ شىعۋدىڭ بىرىڭعاي كىتابىن جۇيەلى تۇردە تەكسەرەدى جانە ەسكەرتۋلەردى بەلگىلەنگەن مەرزىمدە جويۋ جونىندەگى شارالاردى قابىلدايدى, ول جايىندا ءاربىر جازبانىڭ قارسىسىندا كەمشىلىكتەردى جويۋ كۇنىن كورسەتە وتىرىپ بەلگىلەۋ جۇرگىزەدى.
82. كەمە يەسى كەمەنى قاراپ شىعۋدىڭ بىرىڭعاي كىتابىن تەكسەرەدى جانە ونداعى بەلگىلەنگەن كەمشىلىكتەردى جويۋعا شارالار قابىلدايدى.
10 - پاراگراف. سانيتارلىق-ەپيدەميولوگيالىق قورىتىندىنى بەرۋ
83. سانيتارلىق-ەپيدەميولوگيالىق قورىتىندى ىشكى سۋ كولىگى سالاسىنداعى وبەكتىلەردىڭ حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى نورماتيۆتىك قۇقىقتىق اكتىلەرگە, گيگيەنالىق نورماتيۆتەرگە جانە (نەمەسە) تەحنيكالىق رەگلامەنتتەرگە سايكەستىگىن (سايكەس ەمەستىگىن) كۋالاندىراتىن قۇجات.
84. سانيتارلىق-ەپيدەميولوگيالىق قورىتىندىنى كەمە يەسىنە مەملەكەتتىك سانيتارلىق ەپيدەميولوگيالىق قىزمەت ورگاندارى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 62-بابىنىڭ 2-تارماعىنا سايكەس بەكىتىلگەن سانيتاريالىق-ەپيدەميولوگيالىق ساراپتاما جۇرگىزۋ قاعيدالارىندا كوزدەلگەن تارتىپتە بەرەدى.
11 – پاراگراف. كەمە ەكيپاجىنىڭ ەڭ از قۇرامى تۋرالى كۋالىكتى بەرۋ (وزدiگiنەن جۇزەتiن كەمەلەر ءۇشىن)
85. كەمە ەكيپاجى قۇرامىنىڭ قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 18 اقپانداعى № 134 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10788 بولىپ تىركەلگەن) كەمە ەكيپاجىنىڭ ەڭ از قۇرامىنا قويىلاتىن تالاپتارعا سايكەستىگى كەمە ەكيپاجىنىڭ ەڭ از قۇرامى تۋرالى كۋالىكپەن كۋالاندىرىلادى.
86. كەمە ەكيپاجىنىڭ ەڭ از قۇرامى تۋرالى كۋالىكتى اۋماقتىق بولىمشەلەر ءۇش جىل مەرزىمگە بەرەدى.
87. كەمە ەكيپاجىنىڭ ەڭ از قۇرامى تۋرالى كۋالىك كەمە يەسى شتاتتىق كەستەسى جانە كەمە يەسى بەكىتكەن كەمەنى پايدالانۋ رەجيمى جانە ەكيپاجدىڭ جۇمىسى تۋرالى بۇيرىقتى (نەمەسە باسقا قۇجات) قوسا بەرە وتىرىپ, ءوتىنىش بەرگەننەن كەيىن بەس جۇمىس كۇنى ىشىندە كەمە يەسىنە بەرىلەدى.
88. ەگەر ۇسىنىلعان قۇجاتتار كەمە ەكيپاجىنىڭ ەڭ از قۇرامىنا قويىلاتىن تالاپتارعا سايكەس كەلمەسە اۋماقتىق بولىمشە قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 18 اقپانداعى № 134 بۇيرىعىمەن بەكىتىلگەن كەمە ەكيپاجىنىڭ ەڭ از قۇرامىنا قويىلاتىن تالاپتارعا سايكەس (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10788 بولىپ تىركەلگەن) كەمە ەكيپاجىنىڭ ەڭ از قۇرامى تۋرالى كۋالىكتى بەرۋدەن باس تارتادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11093 بولىپ ەنگىزىلدى.